12 მარტი
გამოქვეყნებულია: 2016-03-12, 22:26


დატოვე კომენტარი
ბრიფინგის დრო

საზოგადოებრივი მაუწყებლის პრესცენტრმა, რომელიც წინასაარჩევნოდ პოლიტიკურ პარტიებს ეთმობა, მუშაობა განაახლა. 

ახალი სეზონიდან პრესცენტრი ეთმობა მხოლოდ კვალიფიციურ და ცესკოში რეგისტრირებულ პოლიტიკურ სუბიექტებს.

პრესკონფერენციის ჩატარების მსურველ პოლიტიკურ პარტიებს შეუძლიათ გაიარონ რეგისტრაცია  და დანიშნონ პრესკონფერენცია. რეგისტრაციის გასავლელად პოლიტიკურმა სუბიექტებმა უნდა მოგვწერონ ელექტრონულ მისამართზე  presscenter@gpb.ge.

თითოეულ პოლიტიკურ სუბიექტს პრესცენტრში დაეთმობა 20 წუთი; აქედან 10- საეთეროდ ჩაიწერება, 5 წუთი -ჟურნალისტებისთვის დარჩენილ საინტერესო კითხვებზე პასუხის გასაცემად და 5 წუთი სტუდიის დასატოვებლად, რათადარჩენილ 10 წუთში მომზადდეს სტუდია ახალი შეხვედრისთვის. დარეგისტრირების დროს ზუსტად უნდა იყოს მითითებულიპოლიტიკური გაერთიანების სახელწოდება, ბრიფინგის ჩამტარებელი პირის, ან პირების სახელი, გვარი, რეგალია,საკონტაქტო ინფორმაცია, პრესკონფერენციის ჩატარების სასურველი თარიღი,  საათი (11:00; 11:30; 12:00; 12:30; 13:00; 13:30; 14:00; 14:30) დათემა.

მას შემდეგ, რაც პოლიტიკური სუბიექტი ელექტრონულ ფოსტაზე მიიღებს დასტურს, პრესკონერენცია ჩაითვლება დანიშნულად.

პრესცენტრში ჩატარებული ბრიფინგების გრაფიკი ასე გაიწერება:

პირველი ბლოკი - 11:00 საათზე, 11:30 საათზე, 12:00 საათზე, 12:30 საათზე. ეთერში გასვლის დრო - 14:00-დან 15:00 საათამდე, ,,ბრიფინგის დროში;

მეორე ბლოკი - 13:00 საათზე, 13:30 საათზე, 14:00 საათზე,14:30 საათზე. გაშუქდება ,,მეორე არხის“ - ,,ბრიფინგის დროში“.

პრესკონფერენციების განრიგი განთავსდება საზოგადოებრივი მაუწყებლის ვებგვერდზე. მასზე წვომა საჯაროა, შესაბამისად, გაშუქების მსურველი ჟურნალისტები შეძლებენ დროულად მიიღონ ინფორმაცია დაგეგმილი პრესკონფერენციების შესახებ. პრესკონფერენციაზე დასწრების მსურველ ჟურნალისტებს ვთხოვთ ბრიფინგის დაწყებამდე 10 წუთით ადრე მობრძანდნენ.

დამატებითი ინფორმაციისთვის დარეკეთ: 2 40 92 54, ან 2 40 94 77.

გადაცემა "ბრიფინგის დრო" ეთერშია ყოველდღე 14:00 და18:00 საათზე. "მეორე არხის" და ამერიკის დემოკრატიული ინსტიტუტის მემორანდუმზე ხელმომწერი პოლიტიკური პარტიების ბრიფინგები დაუმონტაჟებლად თავსდება "მეორე არხის" ეთერში. ბრიფინგის გარდა, პროგრამაში შუქდება ქვეყანაში მიმდინარე ყველა მნიშვნელოვანი მოვლენა.

უახლესი